[информация на государственном языке]

АДИЛЕТ МИНИСТРЛИГИНИН МААЛЫМДАМАСЫ

                 29-январь күнү Адилет министрлигинде  Кайыпов Марат Таштановичтин демилгеси менен Азиза Абдрасулова жана Төлөкан Исмаилова менен жолугушуу өттү.

                Жолугушууда министр укук коргоочулардын башчылары менен төмөнкү маселелерди талкуулады:

1. Адилет министрлиги жана укук коргоочулар бир багытта, адамдын конституциялык укугун жана эркиндигин коргоо үчүн иштеп жатканын билдирди.
2. Митинг өткөрүүдө билдирүү жасоонун  түшүнүгү  толук мыйзамда жазылган эмес, ошон үчүн ар кандай түшүнүктөр пайда болууда. Бул маселени чечүү үчүн Жогорку Кенештин депутаттары менен митинг өткөрүүнүн эрежелери толук камтылган мыйзам иштеп чыгуу үчүн кызматташарын  билдиришти.
3. Бир дагы митинг мамлекеттик түзүлүштү, Кыргызстандын эгемендүүлүгүн жана кыргыз элинин биримдигине коркунуч туудурбашы керек экендигин министр баса белгилеп кетти. Азиза Абдрасулова жана Төлөкан Исмаилова бул максатта калк менен укук коргоочулар иштерин билгизишти.
4.  Жолугушуунун жыйынтыгында Азиза Абдрасулова жана Төлөкан Исмаилова так эмес маалымат алгандыгына байланыштуу Адилет министрлигинин  алдына мезгилсиз пикетке чыккандарын мойнуна алышты. Анткени Ыссык-көл областык адилет башкармалыгынын башчысы ээлеген кызматынан бошотулган эмес жана ага сөгүш жарыяланган эмес, кадрларды пландык ротация тартибинде жана «Мамлекеттик кызмат» мыйзамына ылайык Нарын облусттук адилет башкармалыгынын  башчысы болуп которулган. Кадрларды ротациялоо министрликтин ички иши жана ага эч ким кийлигише албагарына макул болушту.